Higala, ani-a ko ug paminawa.
Kay aduna koy buot ipadayag kanimo.
Bisan tuod dili sa matag-adlaw ko kini i-sugilon.
Apan gusto ko nga masayod ka nga aduna kay bili.
Bisan nagkahimamat lang tang duha sa dagitwanang.
Mahanduraw ko na daw sama ka sa usa ka bulawan.
Ang kaayo mo ug ang pagkamahigalaon walay sama.
Sa matag-agbat natong duha, ang adlaw kanunay nagahatag ug kahayag.
Pagkamalipayon ta samtang nagatabi sa dagitwanang.
Ang mga pasi-aw ug katawa mura'g way kahumanan.
Ngano ba gyud kon dili ko ikaw maka-agbat sa dagitwanang,
ang adlaw ko daw sama sa nahugno nga kalibutan?
Ang tanan mura'g kawang lamang, kon di ko ikaw mahikaplagan sa dagitwanang.
Apan kon magka-agbat na ta, ang tanan puno sa pagmaya.
Ingon ni-ana ba gyud diay kadako ug bili ang atong panaghigala-ay?
Daghan salamat kanimo higala sa way puas nga paghatag kanako ug bili
sa atong panaghigala-ay.
Malipayong pagsaulog na lang diha kanimo sa Adlaw Sa Kasing-kasing.
Manghinaut ko nga magmalipayon ka kauban sa imong hinigugma.
(Kini nga garay akong ipahinungod sa akong higala agi'g regalo sa Adlaw Sa Kasing-kasing. Tag-ana, kon kinsa siya? Hehehe...)
Feb 12, 2009
Ngano?
Ni-ining takna-a kalit lang gibati ko ug kasubo.
Kay ang imong mga pulong mura'g adunay nagpahipi.
Wala lang tuyo-a ang imong mga pulong
daw nilahap sa akong kasing-kasing.
Ngano ba gyud nga pasipad-an mo man ako?
Unsa ba diay akong nahimo nga imong gika-alburuto?
Sige kuno sultihi ko?
Kay andam ko nga maminaw kanimo.
Usa lang ko ka inosente nga nagpangga sa mga higala.
Wa ko masayod kon unsay hinungdan ning tanan.
Wa ka ba masayod sa matagpulong
nga imong gibuy-an nagpangluha kining akong mga mata?
Buot ko nga mohilak, apan gipugngan ko lang kini
aron lang matughan ka sa imong pagkamapasipad-on.
Di ko buot nga masud-ong ko nimo nga maghilak.
Kay ikaw wa man gani maluoy kanako.
Apan kon ikalipay mo man nga pasakitan ko,
dawaton ko kini sa hingpit sa way duha-duha.
Tungod kay alang kanako ang tanan way kausaban.
Ikaw gihapon akong higala sukad kani-adto ug karon.
(Hehehe... madrama no? ows, di naman siguro ni balak uy pataka lang ko da.)
Kay ang imong mga pulong mura'g adunay nagpahipi.
Wala lang tuyo-a ang imong mga pulong
daw nilahap sa akong kasing-kasing.
Ngano ba gyud nga pasipad-an mo man ako?
Unsa ba diay akong nahimo nga imong gika-alburuto?
Sige kuno sultihi ko?
Kay andam ko nga maminaw kanimo.
Usa lang ko ka inosente nga nagpangga sa mga higala.
Wa ko masayod kon unsay hinungdan ning tanan.
Wa ka ba masayod sa matagpulong
nga imong gibuy-an nagpangluha kining akong mga mata?
Buot ko nga mohilak, apan gipugngan ko lang kini
aron lang matughan ka sa imong pagkamapasipad-on.
Di ko buot nga masud-ong ko nimo nga maghilak.
Kay ikaw wa man gani maluoy kanako.
Apan kon ikalipay mo man nga pasakitan ko,
dawaton ko kini sa hingpit sa way duha-duha.
Tungod kay alang kanako ang tanan way kausaban.
Ikaw gihapon akong higala sukad kani-adto ug karon.
(Hehehe... madrama no? ows, di naman siguro ni balak uy pataka lang ko da.)
Feb 7, 2009
Da Koneksyon
Bag-o pa gyud ko nakauli gikan sa pagtan-aw sa usa ka layb nga pasundayag gikan sa balay pasundayaganan nga ginganlan ug The Living Theater didto sa Manhattan. Wa lang damha pasado alas 1:28 naman diay sa kadlawon ang akong pag-abot sa balay. Medyo taas-taas pod nga dula sa maong balay pasundayaganan kay sa akong bana-bana ni-abot man ug labaw pa sa tulo ka oras.
Kini nga dula gi-ulohan kini ug The Connection. Ang maong istorya mahitungod sa mga na-adik sa heroin. Kini nga dula gisugdan na ni-adtong tuig 1959 ug gipasundayag pag-usab alang sa pagsaulog sa ika 50th anniversary.
Wa gyud koy kabangkaagan kon unsang matanga ba diay ang heroin. Kaingon ko ug shabu na. Huh! Nisulay lang ko ug tan-aw sa maong pasundayag kay na-agni sa usa ka higala. Kay lagi usa man kahigala niya ang nidula isip usa ka salvation army sa maong pasundayag.
Sa pagpanglingkod na namo sa balay pasundayaganan, nakita nako ang mga magdudula sa entablado. Adunay grupo sa Jazz Band ug ang uban nanglingkod bisan asa nga suok, unya aduna usab naghigda sa higda-anan. Kini silang tanan pulos mga adik sa heroin. Way mga direksyon ang ilang mga kinabuhi. Ang ilang buhat mao ang pagpangawat aron lang makapatuyang sa ilang bisyo nga heroin.
Sa unang dula, wa kaayo ko nakasabot kay ngano? Ang ilang mga kinabuhi gubot pa sa lukot. Way lain buhat kon di ang mag-inamaw. Klaro gyud nuon nga mga adik kaayo kay mga sabaan. Sige lang maghimo ug kagubot, kon di magsinumbagay, magsininghagay. Ang Jazz Band pod sige lang ug patugtog kon mga high na sa heroin. Lain ang motugtog sa saxophone,piano,kombo ug bass.
Gibati nuon ko ug kalaay da, unya dalang panghupaw. Kay unsa man makuha nako anang magsud-ong sa mga adik? Wa man nay mga kapuslanan sa katilingban. Nagsagbot-sagbot lang na sa akong mga panan-aw. Mas maayo pa ipiyong akong mga mata ug mag-imadyin ug mga maayong butang. nyahaha...
Apan wala madugay, nikalit lang nawa ang akong kalaay ug duka kay kalit lang nibati ko ug kahadlok. Kusog ba lang ang kulba sa akong dughan pagkadungog nako sa mga kalampag sa entablado. Nihari gyud ang dakong kakulba sa akong dughan kay nadungog gud nako ang mga pitik nga nagkanayon lab-dab-lab-dab. Unsa kaha kining klaseha nga dula-a ang akong nasaksihan? Pagkalahi ra gyud sa mga pipila ka mga dula nga akong nasaksihan sa Broadway. Kaingon gud ko ug katapusan na kadto sa kalibutan. Mura gud ko ug kakuyapon sa akong gilingkuran samtang gakurog-kurog sa kahadlok. Sa mga tinan-awan pa lang daan, mura'g nagdala na ug come here. Hehehe... Duol ra ba akong gilingkuran sa entablado, duolon pa lang ko sa mga adik ug pahimuslan. Hahaha... Mag-unsa na lang? Basin naay mo-uli ani nga luha-an. Hahaha.... Gidaog pod nako ato ang na-high sa heroin. Huh! Unsa pa gyud tinuod nga mga adik kon modula. Kay naay nanggisinumbagay nga mga adik,naay nagsampiray sa paglakaw,naay nangatug sa mga lingkuranan, nag-akbo sa lamesa, naay nagsige ug pamintana kay kanunay naghulat ni cowboy, naay kanunay nagahigda sa higda-anan,lain pa gyud kadtong natikay-ang sa gilingkuran nga membro sa Jazz Band nga tagatugtog sa saxophone kay na-high sa heroin. Basta imbes nga nagduka ko, nikalit lang ko ug kaliskog. Haska gyud nakong hagikhik labina pagtan-aw nako sa usa ka adik nga nagtuay sa iyang laway basta nagdagayday ba lang paingon sa sawog.Hahahaha... Igo na lang tawn ko sa pagpanampong sa akong mga mata dalang paniplat, dayon ingon yucky!
Wa madugay, niduaw sa nahimutangan sa mga adik si sister salvation ingnon ta gikan kuno sa salvation army. Dako kaayo ang iyang katingala sa pagsulod niya kay saba kaayo ang maong puloy-anan. Kay ang Jazz Band nagpatugtog sa ilang mga instrumento,lain pod ang nagdala-dala ug stereo nga kinaraan kay nagpatugtog ug plaka,unya gidugangan pod sa uban mga adik nga nagsige ra ug panggilalis kay pulos lagi sila nanga-high sa heroin.Basta pangutan-on na gani ang mga adik ni sister salvation, motulibagbag gyud kon motubag, dayon ingon nga praise the Lord, Amen, sister. Hahaha... Klaro kaayo nga nabungog sila sa heroin.
Adunay kausa nga giduol ni sister salvation ang usa ka adik ug gipangutana kon unsa iyang ngan ug taga dis-a? Nitubag man kaha nga, saba diha ayaw ko ug tugawa kay wa ko sa mood nga makig-istorya baby,dayon haplos sa dughan ni sister salvation. Hehehe...
Sa lain na usab nga adik, giduol ni sister salvation kon unsay iyang gisigehan ug pamintana, dayon gidunol sa usa ka adik ang teleskopyo ngadto kang sister salvation. Gisulayan tuod ni sister salvation ang maong teleskopyo,apan wa siyay makita kay ngi-ob man ang gawas kay gabii man. Mao kadto nga gi-uli ni sister salvation ang maong teleskopyo ngadto sa adik, apan ang adik nagkatawa kini nga dalang bugal-bugal ug gipangutana si sister salvation kon kinsa ang nagdesinyo sa iyang uniporme? Matud pa ni sister salvation, wa ko mi-anhi diri aron bugal-bugalan, kon di,ani-a ko aron sa pagsangyaw kaninyo aron kamo maluwas gikan sa sala. Nitubag usab ang uban mga adik, praise the Lord, Amen,sister. Hahaha...
Sa pagbiya na ni sister salvation, ni-abot usab si cowboy. Kini si cowboy maoy nagdala ug tigaw sa mga adik kay siya man ang drug dealer. Sa sinugdanan sa maong dula, wa gyud ko kasabot kon kinsa kini ilang gipa-abot nga ginganlan ug cowboy? Kay ang mga adik man gud sige lang ug pamintana kay gihulat nila si cowboy.
Tuod man wa nadugay ni-abot ra gyud ang ilang gipaabot nga si cowboy. Ang usa ka adik nihangyo dayon ni cowboy nga gusto niya ug heroin, apan si cowboy nagpagahi-gahi pa gyud ug hatag. Nasuko ang adik. Matud pa sa adik, nag-unsa man diay ka diri? Ngano di man ko nimo tagaan ug heroin? Tubag usab ni cowboy, ni-anhi lang ko kay buot mobisita kaninyo. Apan namugos gyud ang usa ka adik nga tagaan siya ug heroin. Mao nga nigawas pagbalik si cowboy, unya pagbalik na niya aduna nay dala nga pinutos.
Sa paghatag na niya sa maong putos ngadto sa usa ka adik, gihapnig kini dayon sa lamesa. Wa ko nagdahom nga mao diay kadto ang hitsura sa heroin. Ang hitsura sa heroin mura man diay na ug powder nga gisulod sa supot, unya i-sulod sa enjection ug i-tusok sa bukton. Sa pagtupok na niya niini, kalit lang siya nikirig sa iyang gilingkuran nakaingon ko ug na-high na siya, apan nasobrahan diay sa heroin. Mao kadto gitabang dayon ug gipahigda sa higda-anan nga nagkirig-kirig.
Sukad ni-adtong hitabo-a, nipahilayo dayon ang mga taga Jazz Band kay nangahadlok tungod sa nahitabo sa usa ka adik nga nikirig. Kay basin masusihan ug madakpan pa sila sa mga police. Mao nga nipahilayo dayon sila tanan taga Jazz Band bit-bit ilang mga instrumento. Ang uban mga adik nga nahibilin nangabaka usab basin madakpan usab sila sa mga police. Apan padayon pa lang gihapon sila sa paggamit sa maong heroin.
Sa katapusan sa maong dula, ang nikirig, nabuhi ra. Ang mga adik wa pa gihapon nagbag-o sa ilang pagka-adik sa heroin hangtud karon. (Katapusan)
Kini nga dula gi-ulohan kini ug The Connection. Ang maong istorya mahitungod sa mga na-adik sa heroin. Kini nga dula gisugdan na ni-adtong tuig 1959 ug gipasundayag pag-usab alang sa pagsaulog sa ika 50th anniversary.
Wa gyud koy kabangkaagan kon unsang matanga ba diay ang heroin. Kaingon ko ug shabu na. Huh! Nisulay lang ko ug tan-aw sa maong pasundayag kay na-agni sa usa ka higala. Kay lagi usa man kahigala niya ang nidula isip usa ka salvation army sa maong pasundayag.
Sa pagpanglingkod na namo sa balay pasundayaganan, nakita nako ang mga magdudula sa entablado. Adunay grupo sa Jazz Band ug ang uban nanglingkod bisan asa nga suok, unya aduna usab naghigda sa higda-anan. Kini silang tanan pulos mga adik sa heroin. Way mga direksyon ang ilang mga kinabuhi. Ang ilang buhat mao ang pagpangawat aron lang makapatuyang sa ilang bisyo nga heroin.
Sa unang dula, wa kaayo ko nakasabot kay ngano? Ang ilang mga kinabuhi gubot pa sa lukot. Way lain buhat kon di ang mag-inamaw. Klaro gyud nuon nga mga adik kaayo kay mga sabaan. Sige lang maghimo ug kagubot, kon di magsinumbagay, magsininghagay. Ang Jazz Band pod sige lang ug patugtog kon mga high na sa heroin. Lain ang motugtog sa saxophone,piano,kombo ug bass.
Gibati nuon ko ug kalaay da, unya dalang panghupaw. Kay unsa man makuha nako anang magsud-ong sa mga adik? Wa man nay mga kapuslanan sa katilingban. Nagsagbot-sagbot lang na sa akong mga panan-aw. Mas maayo pa ipiyong akong mga mata ug mag-imadyin ug mga maayong butang. nyahaha...
Apan wala madugay, nikalit lang nawa ang akong kalaay ug duka kay kalit lang nibati ko ug kahadlok. Kusog ba lang ang kulba sa akong dughan pagkadungog nako sa mga kalampag sa entablado. Nihari gyud ang dakong kakulba sa akong dughan kay nadungog gud nako ang mga pitik nga nagkanayon lab-dab-lab-dab. Unsa kaha kining klaseha nga dula-a ang akong nasaksihan? Pagkalahi ra gyud sa mga pipila ka mga dula nga akong nasaksihan sa Broadway. Kaingon gud ko ug katapusan na kadto sa kalibutan. Mura gud ko ug kakuyapon sa akong gilingkuran samtang gakurog-kurog sa kahadlok. Sa mga tinan-awan pa lang daan, mura'g nagdala na ug come here. Hehehe... Duol ra ba akong gilingkuran sa entablado, duolon pa lang ko sa mga adik ug pahimuslan. Hahaha... Mag-unsa na lang? Basin naay mo-uli ani nga luha-an. Hahaha.... Gidaog pod nako ato ang na-high sa heroin. Huh! Unsa pa gyud tinuod nga mga adik kon modula. Kay naay nanggisinumbagay nga mga adik,naay nagsampiray sa paglakaw,naay nangatug sa mga lingkuranan, nag-akbo sa lamesa, naay nagsige ug pamintana kay kanunay naghulat ni cowboy, naay kanunay nagahigda sa higda-anan,lain pa gyud kadtong natikay-ang sa gilingkuran nga membro sa Jazz Band nga tagatugtog sa saxophone kay na-high sa heroin. Basta imbes nga nagduka ko, nikalit lang ko ug kaliskog. Haska gyud nakong hagikhik labina pagtan-aw nako sa usa ka adik nga nagtuay sa iyang laway basta nagdagayday ba lang paingon sa sawog.Hahahaha... Igo na lang tawn ko sa pagpanampong sa akong mga mata dalang paniplat, dayon ingon yucky!
Wa madugay, niduaw sa nahimutangan sa mga adik si sister salvation ingnon ta gikan kuno sa salvation army. Dako kaayo ang iyang katingala sa pagsulod niya kay saba kaayo ang maong puloy-anan. Kay ang Jazz Band nagpatugtog sa ilang mga instrumento,lain pod ang nagdala-dala ug stereo nga kinaraan kay nagpatugtog ug plaka,unya gidugangan pod sa uban mga adik nga nagsige ra ug panggilalis kay pulos lagi sila nanga-high sa heroin.Basta pangutan-on na gani ang mga adik ni sister salvation, motulibagbag gyud kon motubag, dayon ingon nga praise the Lord, Amen, sister. Hahaha... Klaro kaayo nga nabungog sila sa heroin.
Adunay kausa nga giduol ni sister salvation ang usa ka adik ug gipangutana kon unsa iyang ngan ug taga dis-a? Nitubag man kaha nga, saba diha ayaw ko ug tugawa kay wa ko sa mood nga makig-istorya baby,dayon haplos sa dughan ni sister salvation. Hehehe...
Sa lain na usab nga adik, giduol ni sister salvation kon unsay iyang gisigehan ug pamintana, dayon gidunol sa usa ka adik ang teleskopyo ngadto kang sister salvation. Gisulayan tuod ni sister salvation ang maong teleskopyo,apan wa siyay makita kay ngi-ob man ang gawas kay gabii man. Mao kadto nga gi-uli ni sister salvation ang maong teleskopyo ngadto sa adik, apan ang adik nagkatawa kini nga dalang bugal-bugal ug gipangutana si sister salvation kon kinsa ang nagdesinyo sa iyang uniporme? Matud pa ni sister salvation, wa ko mi-anhi diri aron bugal-bugalan, kon di,ani-a ko aron sa pagsangyaw kaninyo aron kamo maluwas gikan sa sala. Nitubag usab ang uban mga adik, praise the Lord, Amen,sister. Hahaha...
Sa pagbiya na ni sister salvation, ni-abot usab si cowboy. Kini si cowboy maoy nagdala ug tigaw sa mga adik kay siya man ang drug dealer. Sa sinugdanan sa maong dula, wa gyud ko kasabot kon kinsa kini ilang gipa-abot nga ginganlan ug cowboy? Kay ang mga adik man gud sige lang ug pamintana kay gihulat nila si cowboy.
Tuod man wa nadugay ni-abot ra gyud ang ilang gipaabot nga si cowboy. Ang usa ka adik nihangyo dayon ni cowboy nga gusto niya ug heroin, apan si cowboy nagpagahi-gahi pa gyud ug hatag. Nasuko ang adik. Matud pa sa adik, nag-unsa man diay ka diri? Ngano di man ko nimo tagaan ug heroin? Tubag usab ni cowboy, ni-anhi lang ko kay buot mobisita kaninyo. Apan namugos gyud ang usa ka adik nga tagaan siya ug heroin. Mao nga nigawas pagbalik si cowboy, unya pagbalik na niya aduna nay dala nga pinutos.
Sa paghatag na niya sa maong putos ngadto sa usa ka adik, gihapnig kini dayon sa lamesa. Wa ko nagdahom nga mao diay kadto ang hitsura sa heroin. Ang hitsura sa heroin mura man diay na ug powder nga gisulod sa supot, unya i-sulod sa enjection ug i-tusok sa bukton. Sa pagtupok na niya niini, kalit lang siya nikirig sa iyang gilingkuran nakaingon ko ug na-high na siya, apan nasobrahan diay sa heroin. Mao kadto gitabang dayon ug gipahigda sa higda-anan nga nagkirig-kirig.
Sukad ni-adtong hitabo-a, nipahilayo dayon ang mga taga Jazz Band kay nangahadlok tungod sa nahitabo sa usa ka adik nga nikirig. Kay basin masusihan ug madakpan pa sila sa mga police. Mao nga nipahilayo dayon sila tanan taga Jazz Band bit-bit ilang mga instrumento. Ang uban mga adik nga nahibilin nangabaka usab basin madakpan usab sila sa mga police. Apan padayon pa lang gihapon sila sa paggamit sa maong heroin.
Sa katapusan sa maong dula, ang nikirig, nabuhi ra. Ang mga adik wa pa gihapon nagbag-o sa ilang pagka-adik sa heroin hangtud karon. (Katapusan)
Subscribe to:
Posts (Atom)
