Adlaw'ng Natawhan

Ani-a na usab ko nga buot mo-paambit sa kalipay nga akong gibati niining adlawa, adlaw sa akong natawhan. Di lang hibaw-an no? Pagkadali ba sa panahon. Di na gyud mapugngan pa kay nadugangan na usab akong edad. Nagka-edad na ug nagkatiguwang pa gyud ko. Asa man ko mangita ana? nyahahaha...

Kadumdum pa ko sa bata pa ko buhong kaayo ko sa pagpangga sa akong mga ginikanan. Di halos patugdunan ug lamok ug langaw kay lagi pinangga kay nag-inusara lang nga prinsesa. hehehe... Maski gani karon, kanunay naa sa ako ilang atensiyon maski sa akong mga igsoon nga lalaki.

Sa elementarya pa ko, bisan naa na koy bawon sa eskwelahan, dinad-an pa gihapon ko ug gatas ug tinapay sa akong inahan mentras nagkigduwa ko sa akong mga higala.

Sa oras sa pagkaon, pangutan-on pa ko kon unsay akong gusto nga pagkaluto, maingon man usab sa akong mga igsoon nga lalaki. Bisan isda lang ang sud-an ug gulay apan mahimo kining nagkada-iyang putahe. Ako gusto ug pinirito, naay gusto ug sinugba, tinola ug inun-on. Hehehe...

Mao usahay ang akong mga igsoon di kalikayan usahay mo-bati ug pagselos kanako kay halos tanan akong gusto ihatag basta kaya lang.nyahahaha. Hey, basin maka-ingon mo nga spoiled ko ha? Di baya. Nasayop lang mo sa inyong pagtoo.Huh!

Bisan tuod kanunay naa kanako ang ilang atensiyon pero wa sa akong batasan ang panglupig sa uban. Ana-a pa gihapon sa akong batasan ang panggihatagon ug ang panggi-angayon sa uban. Natiguwang na lang ko wa pa gihapon na-usab ang akong batasan ang dali manglu-od ug hilakon. wahahahaa...

Bitaw oy, sakto ra usa ni akong pagpadayag sa akong gibati kay lisod man kon ang tanan na lang sa akong kinabuhi ibutyag,wa nay pakulba-hinam. Pero di buot ipasabot nga naghinakog ko, dili oy. Sige pangutana lang gud kay akong tubagon, pero di usa karon kay matud pa ang tanan adunay panahon. Hehehe...

Sa dili pa ko mo-biya sa akong payag, gusto ko magpasalamat sa tanan pamilya ug mga kahigalaan sa pagtimbaya sa akong adlaw nga natawhan sama ni Bay Uray, Bay Lubi, Bay Boomz ug Bai Yani basta daghan pa. Di na lang nako tagsa-tagsaon kay mabuntagan ta. Maingon man usab diay sa mga nipatimbaya pina-agi sa celpon ug kadlawong dako salamat kaayo. Dako kaayo akong kalipay sa pagtubag sa inyong mga text ug tawag bisan ug gi-alingpungatan pa akong mga mata. Hahahaha...

Daghan salamat usab kay Bay Uray sa iyang kaayo kanako. Kay usa usab siya nga nahimong parte sa akong pang-adlaw-adlaw nga kinabuhi. Nagahatag kanunay kanako ug kalipay tungod sa iyang mga kanta nga namugna.Bisan unsa pa kalayo sa akong gi-adto-an, di ko kini igsapayan. Kay sa mataglakaw nako, kauban ko kanunay ang iyang mga awit. Di gyud ko bati-on ug kala-ay ug katulugon. Nabatyagan naman siguro ninyo bisan asa sa akong mga payag naa gyud kanunay kauban kanako ang iyang mga awit. Ingon-ana ko ka die-hard kay Bay Uray. Tinuod gyud na. Tuo na lang mo aron ta madali.

Bay Uray, daghan gyud salamat sa imong regalo nako ha? Sa pagkadawat nako niini,sangko kaayo sa langit ang akong kalipay. Mura gyud ko ug gibayaw sa langit ni-adtong taknaa. Tipigan ko gyud ni kanunay ning kaban sa akong dughan. nyahahaha... Maayo diri sa akong dughan kay way lain makaukab ug di pa gyud matay-an. Bitaw nalipay ko sa imong regalo. Ang Ginoo na ang mobawos kanimo ha.

Hangtud sa sunod puhon na usab mga pinalangga ug mga kahigalaan. Manghinaot ko nga tagaan pa ko sa atong labaw'ng Makagagahom ug daghan pa nga mga katuigan sa akong kinabuhi. Pangayoon ko Kaniya niining adlawa sa akong adlaw'ng natawhan nga unta maga-uban kanunay kaninyo ang kalinaw ug grasya. Daghan salamat sa tanan. Mwah,Mwah,Mwah!

PS:

Pasensya tuod mo ha kay nagdali-dali ra ko ug tuplok. Kon ugaling adunay mga sayop pasaylo-a na lang ko daan. Pasagdahi na lang ko kay beerday bitaw ni nako. :))